सांगोला तालुक्यातील अवैध धंद्यांवर तत्काळ कारवाई करा तेजस्वी सातपुते : सांगोल्याच्या पोलीस निरीक्षकांना सक्त सूचना

 सांगोला : शहर व तालुक्यात चालणान्या अवैद्य धंद्यांसह बेकायदेशीर सावकारी , बनावट दारू , गुटखा , मटका , वाळू चोरीवर तत्काळ कडक कारवाई करा , जेबीट अंमलदार  कारवाई करीत नाहीत त्यांची तत्काळ बदली करा , तरीही ते ऐकत नसतील तर तसा अहवाल इकडील कार्यालयाकडे पाठवून द्या , मात्र कोणालाही पाठीशी घालू नका , अशा सक्त सूचना पोलीस अधीक्षक तेजस्वी सातपुते यांनी सांगोल्याच्या पोलीस निरीक्षकांना केल्या आहेत

. पोलीस अधीक्षक तेजस्वी सातपुते यांनी शुक्रवारी मंगळवेढा पोलीस स्टेशनला भेट दिली . यानंतर पंढरपूर मंगळवेढा विधानसभा पोटनिवडणुकीच्या पोलीस अधिकारी , कर्मचाऱ्यांची बैठक  घेऊन निवडणूकीविषयी महत्त्वाच्या सूचना केल्या . यावेळी तेजस्वी सातपुते यांनी सायंकाळी उशिरा सांगोला पोलीस स्टेशनला भेट दिली . पोलीस  अधिकारी , कर्मचाऱ्यांच्या अडी अडचणी जाणून घेऊन दप्तर तपासणी केली . यावेळी उपविभागीय पोलीस अधिकारी राजश्री पाटील , पोलीस निरीक्षक भगवानराव निंबाळकर पोलीस अधिकारी , कर्मचारी उपस्थित होते.यावेळी पोलीस अधीक्षक तेजस्वी  सातपुते म्हणाल्या , सांगोल्याच्या लोकसंख्येच्या तुलनेत पोलिसांची संख्या कमी आहे . तरीही पोलीस आपल्या परीने चांगले काम करीत आहेत असे सांगून सांगोला शहर व तालुक्यात सुसाट वेगाने दुचाकीचालवणाऱ्या विशेषता : दुचाकीच्या सायलेन्सरबदलूनकर्णकर्कश आवाज  काढणाऱ्या दुचाकीस्वार कारवाई तर  कराच . परंतु ज्यांनी सायलेन्सर बदलून  दिले त्यांनाही नोटीस बजावा . धाबे ,  हॉटेल्स आदी ठिकाणी बनावट दारूसह बेकायदेशीर दारू विक्री होत असेल तर बीट अंमलदारांनी छापे  टाकून कारवाई करावी . त्यांच्याकडून  कारवाई होत नसेल तर त्यांची तत्काळ बीटमधून बदली करा . मटका , गुटखा ,  जुगार , सावकारकी अशा अवैध धंद्यावर  कारवाई करताना कोणालाही पाठीशी  घालू नका अशा सशक्त सूचना केल्या आहेत . सांगोला शहर व तालुक्यात  कोठेही अवैध धंदे चालू असतील तर  नागरिकांनी थेट माझ्याशी संपर्क  साधावा , असे आवाहन पोलीस  अधीक्षक तेजस्वी सातपुते यांनी केले .