मोबाईल विक्रीच्या बहाणा करून मामाने केला भाच्याचा खुन..

 मोबाईल विक्रीच्या बहाणा करून मामाने केला भाच्याचा खुन.. 

पुणेः  दत्तवाडी पोलिस ठाण्याच्या हद्दीत रविवारी रात्री एका अल्पवयीन मुलाचा खून करण्यात आला . याप्रकरणी दत्तवाडी पोलिसांनी सहा जणांना अटक केली आहे . यातील एका आरोपीच्या भाच्याचा काही दिवसांपूर्वी आंबेगाव पठार परिसरात खून झाला होता . त्यातूनच मामाने व त्याच्या इतर साथीदारांनी मोबाईल विक्रीचा बहाणा करत कट रचून मुलाचा खून केला . सौरभ वाघमारे ( वय १७ , रा . जनता वसाहत ) असे खून झालेल्या मुलाचे नाव आहेविनोद वार , वृषभ दत्तात्रय रेणुसे , सोचन ऊर्फ दादा पवार , आकाश नावाडे , स्वामी कांबळे असे अटक केलेल्या संशयित आरोपींची नावे आहेत . याबाबत दादासो मारुती बनसोडे ( २३ , रा . लक्ष्मी कॉलनी , हडपसर ) याने दत्तवाडी पोलिस ठाण्यात फिर्याद दिली आहे . त्यानुसार अटक केलेल्यांसह इतर जणांवर खूनाचा गुन्हा दाखल करण्यात आला आहे . वरिष्ठ पोलिस निरीक्षक कृष्णा इंदलकर यांनी दिलेल्या माहितीनुसार , सौरभ वाघमारे याने एप्रिल महिन्यात आंबेगाव पठार येथे संग्राम लेकावळे याचा खून केला होता . त्याचा राग मनात धरुन आरोपींनी सौरभला मारण्याचा पुर्वनियोजित कट रचला . आरोपींनी सौरभला जुना मोबाईल विक्री करण्याचा बहाणा करून पर्वती पायथा येथे बोलावून घेतले . वाघमारे सोबत फिर्यादी बनसोडे देखील होता . त्यावेळी सौरभ वीर , अक्षय वीर व वृषभ यांनी त्यांच्याकडील कोयत्याने सौरभआकाश वाघमारे याच्या डोक्यावर , पाठीवर व हातावर वार केले . तर सचिन पवार , नावाडे व त्यांच्या इतर साथीदारांनी सौरभला लाथाबुक्क्यांनी मारहाण केली . या हल्ल्यामध्ये गंभीर जखमी झाल्याने सौरभचा जागीच मृत्यू झाला . दरम्यान , आरोपींनी सौरभच्या मदतीला स्थानिक नागरीकांनी येऊ नये , यासाठी आरोपी नागरीकांच्या अंगावर धावून गेले होते . आरोपींनी नागरीकांना ' इथून निघून जा नाहीतर तुम्हालाही मारुन टाकू ' अशी धमकी देत आरडाओरडा केला . दरम्यान , फिर्यादी हा ' सौरभला मारू नका , तो मरेल ' असे ओरडत असताना सौरभ वीर याने फिर्यादीच्या पाठीवर कोयत्याने वार केले . तर स्वामी कांबळे याने त्यास लाथाबुक्क्यांनी मारहाण केल्याने फिर्यादीही गंभीर जखमी झाला . फिर्यादीने याची माहिती पोलिस नियंत्रण कक्षाला दिली . त्यानंतर पोलिसांनी घटनास्थळी धाव घेतलीम्हणून केला खून लेकावळे व सौरभ वाघमारे हे दोघेही आंबेगाव पठार येथे राहात होते . सौरभ हा लेकावळेपेक्षा लहान होता . त्यामुळे लेकावळे त्यास किरकोळ कामे सांगणे , येता - जाता सौरभच्या डोक्यात टपली मारणे असे प्रकार करीत होता . त्याचा राग आल्याने सौरभने साथीदारांच्या मदतीने लेकावळेचा एप्रिल महिन्यात खून केला होता . या घटनेनंतर सौरभ जनता वसाहतीमध्ये राहण्यास आला . दरम्यान , लेकावळेचा मामा वृषभ रेणुसे याने अन्य साथीदार गोळा करून त्याच्या खूनाच्या बदल्यात सौरभचा खून केला . यासाठी आरोपींनी पुर्वनियोजीत कट रचल्याचे पोलिस तपासात समोर आले आहे .