चिंता मिटली! सोलापूर जिल्ह्यातील 'हा' तालुका वगळता दहा तालुके कोरोनामुक्त

 चिंता मिटली! सोलापूर जिल्ह्यातील 'हा' तालुका वगळता दहा तालुके कोरोनामुक्त 

सोलापूरच्या ग्रामीण भागात आज 309 जण कोरोनामुक्त तर 236 नवे कोरोनाबाधित

सोलापूर जिल्ह्यातील सांगोला तालुका वगळता जिल्ह्यातील दहा तालुके कोरोनामुक्त असल्याचे रविवारी स्पष्ट झाले. शहरातही कोरोनाचा केवळ एक सक्रिय रुग्ण आहे. महापालिकेच्या आरोग्य विभागाने शनिवारी एकूण ९२ कोरोना चाचण्या केल्या. यातून एकही रुग्ण आढळून आला नाही.

एप्रिल महिन्याच्या सुरुवातीला चार सक्रिय रुग्ण होते. यातील तीन रुग्ण बरे झाले. आता केवळ एक सक्रिय रुग्ण आहे. सोलापूर जिल्हा परिषदेच्या आरोग्य विभागाने शनिवारी एकूण ५८ कोरोना चाचण्या केल्या. यातून एकही रुग्ण ळून आला नाही. यापूर्वी रुग्णालयात दाखल असलेल्या दोन जणांना डिस्चार्ज मिळाला. सध्या केवळ एक सक्रिय रुग्ण आहे. सहा जणांचे अहवाल प्रलंबित आहेत केवळ सांगोला तालुक्यातच एक सक्रिय रुग्ण आहे.

मात्र विविध भागात ५२ जण होम क्वारंटाइन असल्याचा दावा आरोग्य अधिकारी डॉ.शीतलकुमार जाधव यांनी केला आहे. दरम्यान, ग्रामीण भागातील बाधित रुग्णांची एकूण संख्या रविवारअखेर १ लाख ८६ हजार ५७ झाली. यापैकी १ लाख ८२ हजार ३३० जण बरे झाले. मृतांची एकूण संख्या ३७२६ आहे. शहरातील बाधित रुग्णांची एकूण संख्या ३३ हजार ६६६ झाली. यापैकी ३२ हजार १६० जण बरे झाले. मृतांची एकूण संख्या १५०५ आहे.