धक्कादायक ! एकतर्फी प्रेमातून तरुणीचे चाकूने कापले ओठ; विकृत तरुणासह साथीदार फरार
एकतर्फी प्रेमातून तरुणीचे कापले चाकूने हला केल्याची घटना समोर आली आहे. या प्रकरणी विकृत तरुणासह साथीदार फरार झाले आहेत.ठाणे - एकतर्फी प्रेमातून विकृत तरुणाने साथीदाराच्या मदतीने चाकूने तरुणीचे ओठ कापल्याची धक्कादायक घटना समोर आली आहे. या हल्ल्यात पीडित तरुणी गंभीर जखमी झाल्याने तिला उपचारासाठी मुंबईच्या केईएम रुग्णालयात दाखल करण्यात आले आहे. या हल्ल्याप्रकरणी आरोपी तरुणासह त्याच्या साथीदार मित्रावर शांतीनगर पोलीस ठाण्यात गुन्हा दाखल करण्यात आला. मुक्तार अब्दुल रहीम अंसारी ( वय २३ , रा . किडवाई नगर ) व शाहिद अशी गुन्हा दाखल झालेल्या विकृत तरुणांची नावे असून दोघेही आरोपी फरार झाले आहेत.आरोपी मुक्तार अंसारी याचे शांतीनगर पोलीस ठाण्याच्या हद्दीत राहत असलेल्या एका तरुणीवर एकतर्फी प्रेम होते. मागील एक वर्षांपासून मुक्तार हा पीडित तरुणीला त्रास देत होता. मात्र, मुलीचा या प्रेमाला विरोध होता. पीडित तरुणी आपल्या प्रेमाला विरोध करते, त्यामुळे आरोपी मुक्तारने पीडितेला अनेकदा धमक्यादेखील दिल्या. काही दिवसापूर्वीच तू मेरी नही हुई तो मै तुझे किसी और के लायक नही छोडूंगा अशी धमकी देखील या विकृत आरोपीने पीडितेला दिली होती.रस्त्यातच गाठून चाकूने कापले पीडितेचे ओठ -पीडित तरुणी ५ दिवसापूर्वी सकाळच्या सुमारास कामानिमित्ताने घराबाहेर पडली असता आरोपी मुक्तार व त्याच्या साथीदाराने तिला रस्त्यातच गाठले. त्यावेळी मुक्तारच्या साथीदाराने मुलाला जबरदस्तीने पकडून ठेवले असता मुक्तारने मुलीचा नकाब खेचला व आपल्या हातातील चाकूने मुलीच्या ओठांवर वार करत ओठ कापले. या हल्ल्यात मुलीच्या ओठांना गंभीर जखम झाली आहे. जखमी अवस्थेत मुलीला उपचारासाठी सुरुवातील शहरातील स्व इंदिरा गांधी उपजिल्हा रुग्णालयात नेण्यात आले होते. मात्र, जखम गंभीर असल्याने पुढील उपचारासाठी तिला ठाणे येथील कळवा रुग्णालयात पाठविण्यात आले. मात्र, ओठांवर सर्जरी करण्याची आवश्यकता असल्याने डॉक्टरांनी तिला मुंबईच्या केईएम रुग्णालयात जाण्याचा सल्ला दिला असता सध्या तिच्यावर केईएम रुग्णालयात उपचार सुरु आहेत.दोघीही आरोपींचा शोध सुरू -याप्रकरणी मुक्तार व त्याचा साथीदार शाहिद या दोघांवर शांतीनगर पोलीस ठाण्यात विविध कलमांतर्गत सोमवारी गुन्हा दाखल करण्यात आला आहे. हे दोघेही आरोपी फरार झाले असून पुढील तपास पोलीस उपनिरीक्षक सुप्रिया जाधव करत आहेत.
0 Comments