आमदार डॉ.बाबासाहेब देशमुख यांच्या प्रयत्नांना यश; टेंभूचे पाणी कोळ्यात दाखल!

आमदार डॉ.बाबासाहेब देशमुख यांच्या प्रयत्नांना यश; टेंभूचे पाणी कोळ्यात दाखल!

(शब्दरेखा एक्स्प्रेस न्युज संपादक संतोष साठे ९५०३४८७८१२)

कोळा (प्रतिनिधी): सांगोला विधानसभा मतदारसंघाचे प्रलंबित प्रश्न मार्गी लावण्यासाठी सतत प्रयत्नशील असणारे लोकप्रिय आमदार डॉ. भाई बाबासाहेब देशमुख यांच्या अथक पाठपुराव्याला मोठे यश मिळाले आहे.

 सांगोला तालुक्यातील दुष्काळी पट्ट्यासाठी वरदान ठरलेल्या टेंभू उपसा सिंचन योजनेचे पाणी अखेर कोळा भागात दाखल झाले असून, यामुळे परिसरातील बळीराजाच्या डोळ्यांत आनंदाश्रू तरळले आहेत.

कोळा भागात पाणी पोहोचताच शेतकऱ्यांनी  मोठा जल्लोष केला. अनेक दिवसापासून या भागातील शेतकरी पाण्यासाठी आसुसलेले होते. आमदार देशमुखांनी शब्द पाळल्याची भावना यावेळी ग्रामस्थांनी व्यक्त केली.

आमदार डॉ. देशमुखांचा सातत्यपूर्ण पाठपुरावा

टेंभू योजनेचे पाणी कोळा आणि परिसरातील गावांना मिळावे, यासाठी आमदार डॉ. बाबासाहेब देशमुख यांनी शासन स्तरावर मोठा संघर्ष केला होता. तांत्रिक अडचणी दूर करणे, निधीची उपलब्धता

 आणि जलसंपदा विभागाकडे केलेला सततचा पाठपुरावा यामुळेच आज हे पाणी या भागात पोहोचू शकले आहे. केवळ घोषणाबाजी न करता प्रत्यक्ष कामातून त्यांनी आपली कार्यक्षमता सिद्ध केली आहे.

पाणी दाखल झाल्यानंतर कोळा भागातील शेतकऱ्यांनी आमदार डॉ. भाई बाबासाहेब देशमुख यांचा सत्कार करून कृतज्ञता व्यक्त केली. डॉ. बाबासाहेब देशमुखांनी शेती आणि शेतकऱ्यांच्या प्रश्नावर दिलेले लक्ष कौतुकास्पद आहे," अशा शब्दांत स्थानिक शेतकऱ्यांनी आपल्या भावना मांडल्या.

चौकट

मतदारसंघातील प्रत्येक दुष्काळी गावापर्यंत पाणी पोहोचवणे हेच माझे ध्येय आहे. टेंभूचे पाणी कोळ्यात येणे हा केवळ सुरुवात असून, सांगोला तालुका पूर्णतः सुजलाम सुफलाम करण्यासाठी मी कटिबद्ध आहे."

डॉ. भाई बाबासाहेब देशमुख (आमदार, सांगोला विधानसभा)

ठळक वैशिष्ट्ये:

 * कोळा परिसरातील हजारो एकर शेती ओलिताखाली येणार.

 * पिण्याच्या पाण्याचा आणि जनावरांच्या चाऱ्याचा प्रश्न कायमस्वरूपी सुटण्यास मदत.

 * आमदार देशमुखांच्या विकासकामांचा आलेख उंचावला.