अटकेच्या भीतीने आरोपीने तिसऱ्या मजल्यावरून मारली उडी
नागपूर - गोवंश हत्या बंदी कायद्यांतर्गत एका वर गुन्हा दाखल झाला होता, मात्र तो पोलिसांच्या हाती लागला नाही, त्याच्या मागावर पोलीसांनी पथक तयार करीत शोध घेतला असता एका इमारती मध्ये तो लपला असल्याची माहिती पोलिसांना मिळाली.
माहितीच्या आधारे पोलिसांनी त्या इमारतीवर छापा मारला मात्र अटकेच्या भीतीने आरोपीने त्या इमारतीच्या 3ऱ्या मजल्यावरून उडी मारली. गंभीर जखमी अवस्थेत पोलिसांनी आरोपीला रुग्णालयात दाखल केले मात्र सोमवारी त्याचा मृत्यू झाला.
नागपूर जिल्ह्यातील देवलापार येथील इम्रान शेख वर गोवंश हत्याबंदी कायद्यांव्ये जनावरांची तस्करी केल्याप्रकरणी गुन्हा दाखल झाला होता, मात्र तो पोलिसांच्या हातावर तुरी देऊन पसार झाला.आरोपीच्या अटकेसाठी पोलिसांनी पथक तयार करीत इम्रान चा शोध सुरू केला. नागपूरच्या कपिल नगर परिसरातील म्हाडा च्या इमारतीमध्ये इम्रान लपला असल्याची माहिती पोलिसांना मिळाली.
माहितीच्या आधारे पोलिसांनी त्याठिकाणी धाड मारली मात्र अटकेच्या भीतीने इम्रान ने 3 ऱ्या मजल्यावरून खाली उडी मारली. या घटनेत इम्रान जखमी झाला होता, त्याला तात्काळ पोलिसांनी नागपूर मेडिकल मध्ये उपचारासाठी दाखल केले पण सोमवारी त्याचा मृत्यू झाला.पोलिसांच्या कारवाईमुळे इम्रान चा मृत्यू झाला असल्याचा आरोप नातेवाईकांनी केला आहे.
0 Comments