सांगोला तालुक्यातील अतिवृष्टीमुळे नुकसान झालेल्या सर्व बाधित शेतकऱ्यांना तातडीने पंचनामे करून सरसकट मदत जाहीर करावी :-ज्ञानेश्वर शिंदे सरकार
सांगोला तालुक्यात यावर्षी सर्वाधिक अवेळी पाऊस पडल्यामुळे हाता तोंडाशी आलेला पिकाचा घास वरूनराजाने हिसकावून घेतल्यासारखे झालेले आहे.
सलग आठ दिवसाच्या पावसाचां सर्वाधिक फटका डाळिंब आणि द्राक्ष उत्पादक शेतकऱ्यांना बसला असून यामध्ये तेलकट आणि मररोगाने पहिल्यापासूनच बळीराजाला ग्रासला असताना त्यात पावसाची भर पडून मनात पाणी साचून राहिल्याने डाळिंबावरती कुजवा करपा या रोगाने फळे पडण्यास सुरुवात झाली
असून द्राक्ष पिकास डाऊनी रोगाचा मोठा फटका बसला असून शेतकऱ्यांची आर्थिक बँक संपुष्टात येण्याची सध्या भीती आहे. बाजरी मका ज्वारी कडधान्य आज काढणी करण्यास सुद्धा पडण्यासारखी स्थिती सध्या बळीराजाची राहिलेली नाही.
कोरोना पटोपाठ या अस्मानी संकटाचा सामना करण्यास बळीराजाला बळ देण्यासाठी संबंधित महसूल प्रशासनाच्या आणि कृषी विभागाच्या अधिकाऱ्यांनी तत्काळ शेतकऱ्यांच्या बांधावर जाऊन पंचनामे करावेत
आणि कृषिमंत्री महोदयांनी पात्र - अपात्र हा निकष न धरता तत्काळ पंचनामे करून देण्याचे आदेश देऊन तालुक्यातील शेतकऱ्यांना तात्काळ सरसकट मदत जाहीर करावी अन्यथा राष्ट्रवादी युवक काँग्रेसच्या वतीने तीव्र असे आंदोलन करण्याचा इशारा राष्ट्रवादी युवक काँग्रेसचे मा. कार्याध्यक्ष ज्ञानेश्वर शिंदे यांनी दिला
0 Comments