स्थानिक लोकांना टोल माफी व्हावी अन्यथा मनसेचे तीव्र आंदोलन जिल्हा उपाध्यक्ष विनोद भाई बाबर

 स्थानिक लोकांना टोल माफी व्हावी अन्यथा मनसेचे तीव्र आंदोलन

जिल्हा उपाध्यक्ष विनोद भाई बाबर 

मिरज सोलापूर हायवे वरील बोरगाव व नाजरा मठ येथील टोल नाका हा बेकायदेशीर रित्या चालू केला आहे तो तात्काळ बंद करावा व तदनंतर स्थानिक लोकांना संपूर्ण टोल माफी व्हावी याकरता 

महाराष्ट्र नवनिर्माण सेनेच्या वतीने टोल वसुली कंपनीच्या विरोधात तीव्र आंदोलन करणार आहे वास्तविक पाहता सदर हायवे वरील काम हे अत्यंत निकृष्ट दर्जाचे झाले आहे रस्त्याची कोणत्याही प्रकारची सेफ्टी टेस्टिंग केली गेलेली नाही त्याचाच परिणाम म्हणून परवा कार्तिक वारीमध्ये चालकाचा वाहनावरील ताबा सुटून वारीतील कित्येक वारकरी हाकणाक बळी गेले

 बळीचा बकरा म्हणून सांगोला रुग्णालयातील डॉक्टर फुले यांची तात्काळ बदली केली पण वास्तविक अपघातास कारणीभूत असलेले नॅशनल हायवे चे ठेकेदार यांच्या विरोधात कोणतीच कारवाई झालेली नाही

 वास्तविक पाहता महाराष्ट्रात वारीची 700 वर्षां पासूनची परंपरा आहे महाराष्ट्रातील तमाम जनता वर्षातून चार वेळा विठ्ठलाच्या भेटीच्या आतुरतेने पायी चालत से पाचशे  किलोमीटर चालत  पंढरीला येतात हायवेचे काम करत असताना सरकार प्रशासन इंजिनियर ठेकेदार यांच्या लक्षात ही बाब आली नाही का जर ही बाब दुर्लक्षित केली

 असेल तर महाराष्ट्राच्या जनतेने येणाऱ्या निवडणुकीत त्यांना योग्य जागा दाखवावी कारण वारी ही महाराष्ट्राची परंपरा आहे वारीसाठी सगळ्या हायवेवर वारकऱ्यांसाठी पायी चालण्याचे फुटपाथ तयार करणे गरजेचे असताना अशा कोणत्याही प्रकारची सोय करण्यात आलेली दिसून येत नाही 

त्यामुळे हा जो अपघात झालेला आहे आणि ज्याच्यामुळे वारकरी संप्रदायातील वारकरी मृत्यूमुखी पडले आहेत त्याची सर्वस्वी जबाबदारी हायवे प्रशासनाची आहे हायवे हे जरी प्रगतीचे लक्षण असले तरी मृत्यूचा सापळा म्हणून आमच्या नशिबाला

 येऊ नये असा तीव्र आक्रोश हायवे परिसरातील जनतेचा होत आहे सांगोला तालुका महाराष्ट्र नवनिर्माण सेना नेहमीच जनतेच्या जिव्हाळ्याचे प्रश्न ऐरणीवर घेऊन त्यांच्या बाजूने नेहमीच रस्त्यावर उतरत आले आहे हायवे प्रशासनाने स्थानिक लोकांना टोल माफी न दिल्यास व संपूर्ण हायवेवर सुरक्षेच्या दृष्टिकोनातून उपाययोजना न केल्यास महाराष्ट्र नवनिर्माण सेना जनतेला सोबत घेऊन तीव्र स्वरूपाचे आंदोलन करणार आहे

 त्याबरोबरच वारकऱ्यांच्या अपघाती मृत्यूस कारणीभूत असलेल्या हायवेतील प्रशासन ठेकेदार इंजिनिअर यांच्यावर सदोष मनुष्यवधाचा गुन्हा दाखल करावा म्हणून हायकोर्टात जनहित याचिका दाखल करण्यात येईल अशी माहिती मनसेचे जिल्हा उपाध्यक्ष विनोद भाई बाबर यांनी दिली आहे