सांगोला तालुक्यात सहा ग्रामपंचायतच्या निवडणुकीला जोरदार सुरुवात मोर्चे मागणी सुरू..

 सांगोला तालुक्यात सहा ग्रामपंचायतच्या निवडणुकीला जोरदार सुरुवात मोर्चे मागणी सुरू..

सांगोला (कोळा वार्ताहर)सांगोला तालुक्यातील बलवडी, चिणके, अनकढाळ, चिंचोली, पाचेगाव खुब शिवणे या ६ ग्रामपंचायतींचा निवडणूक ची गावोगावी रणधुमाळी सुरू झाली असुन नेते मंडळी  कार्यकर्ते जोमाने कामाला लागले आहेत गाठीभेटी वाढल्या ग्रामपंचायत निवडणुकांच्या मोर्चेबांधणीला गावोगावी जोर आला असून सरपंचाची निवड ही थेट जनतेतून असल्याने चुरस पाहायला मिळणार आहे .

त्यानंतर जिल्हा परिषद आणि पंचायत समिती निवडणुकीच्या रणधुमाळीस सुरूवात होणार आहे. त्यामुळे दरवेळच्या पारंपरिक प्रचार प्रणालीपेक्षा आता सोशल मीडियाचा प्रचारासाठी अधिक प्रभावी वापर होणार आहे.

 अत्यल्प काळात जास्तीतजास्त मतदारांपर्यंत पोहोचण्याचे प्रभावी माध्यम म्हणून सोशल मीडिया उपयुक्त ठरणार आहे. निवडणुकीत हायटेक प्रचाराचा अवलंब केला जात समाजमाध्यमांचा प्रचारासाठी वापर केला जाणार हे निश्चित आहे.

उमेदवारांना मतदारांपर्यंत प्रत्यक्ष पोहोचण्यास विलंब लागतो. बहुतांश वेळा प्रत्येक गावात प्रत्येक मतदारांपर्यंत पोहोचणे शक्य होत नाही. त्यामुळे सोशल मीडिया त्यांच्यासाठी अत्यंत उपयुक्त ठरतो. समाज माध्यमातून गावागावात सुरू असलेला प्रचारतसेच आपल्या सामाजिक कार्याची माहिती उमेदवार देवू शकणार आहेत. 

उमेदवारांच्या सर्मथकांनी आपल्या वॉर्डातील मतदारांचे मोबाईल नंबर जमा करुन त्यांचे ग्रुप तयार केले आहेत. या ग्रुपवर उमेदवाराचे फोटो, प्रचार रॅलीचे फोटो, कॉर्नर बैठकांचे फोटो अपलोड केले जाणार आहेत. 

उमेदवारांची ओळख, सामाजिक काम, राजकीय वारसा, शिक्षण, रस्ते,पाणी, वीज, बेरोजगारी, जाहीरनामा,  भविष्यातील धोरणे व कामे या विषयांवर मत मांडता येणार असून ग्रामीण भागातील समस्यांबाबतचे भाष्यही करता येणार आहे.

उमेदवारांना प्रचार कार्यालय, वाहन परवाने, बॅनर, प्रचाररथ, प्रचारसभा यासाठी मोठा खर्च, परिश्रम आणि वेळ तसेच आपापल्या वार्डातील उमेदवारांची भविष्यातील धोरणे व कामे या खर्ची घालावा लागतो. परंतु सोशल मीडियाच्या माध्यमातून कमी खर्चात आणि अत्यल्प वेळात जास्तीत जास्त नागरिकांपर्यंत पोहोचणे शक्य होणार आहे. 

शिवाय बाहेरगावी असलेल्या मतदारांनाही सरपंचपदांचे उमेदवार तसेच आपापल्या वार्डातील उमेदवारांची भविष्यातील धोरणे व कामे या खर्ची घालावा लागतो. परंतु सोशल सर्व माहिती आणि राजकीय घडामोडी 

पाठवणे सोपे जाणार आहे. एकंदरीत यावेळच्या निवडणुकीत सोशल मीडिया उमेदवारांसाठी अत्यंत उपयुक्त ठरण्यासोबतच प्रचाराचे प्रभावी माध्यम बनणार आहे.